ئۇزاپ كەتتىڭ
تۇرغۇنجان ئابلا تېرىمى
«خەير-خوش» دەپ بىر ئېغىز تىنماي،
ئۇزاپ كەتتىڭ يارىم يېنىمدىن.
شۇ دەقىقە بىغەم ھالىتىڭ،
ئۆتۈپ كەتتى مېنىڭ جېنىمدىن.
نېمە قىلغان مەن ساڭا دىلبەر؟
سەۋەبسىزلا تاشلاپ كەتكۈدەك.
ئازابلاردىن خالىي يۈرەككە،
يېڭى ئازاب باشلاپ كەتكۈدەك.
«خەير-خوش» دەپ بىر ئېغىز تىنماي،
ئۇزاپ كەتتىڭ يارىم يېنىمدىن.
ھىجران كۈيى تېڭشايسەن چوقۇم،
بۇندىن كېيىن پۈتكەن كۈيۈمدىن!...
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق