ئىشىكىمنى چەكمەكتە ھايات
ئابلىمىت ئابدۇقادىر
ماشىنىلار ماڭغان بۇ يولدىن،
ماڭار بەلكىم بىر قىز بىمالال.
توپا گۈلى ئېچىلسا قات-قات،
پۇرىۋالار سەرگەردان شامال.
بىز ئىككى قۇش ھايات شېخىغا،
جۈمە كۈنى ئېلىنىپ قالغان.
يەنە بىرسى بىر قىز ئېھتىمال،
كۆز يېشىدا بىر تالاي ھىجران.
كۆزۈمدىكى يۇلتۇزلار سەرسان،
قەلبىمدىكى تولۇن ئاي قېنى.
ئىشىكىمنى چەكمەكتە ھايات،
بەلكىم ئىزدەپ كەلگەندۇ مېنى.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق