ماڭا كېرەك پەقەت بىر جۈپ كۆز
ئابدۇرېشىت ئېلى
تىلىمەيمەن سەندىن ئۆتتەك لەۋ،
كۈتمەيمەن ھەم قۇچاق ئاچار دەپ.
ھەممە بەخت مەن ئۈچۈن بىر چۈش،
كېلەر لەيلەپ، كېتەر لەپىلدەپ.
ماڭا كېرەك پەقەت بىر جۈپ كۆز،
ئۇندا بولغاي ئىككى تامچە ياش.
بىرى سېنى كۆكلىتىپ تۇرسا،
بىرى مېنى چىللىغاي گويا
يىراقتىكى يۇرتۇمغا ئوخشاش.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق