ئىزدەرسەنمۇ كۆكلەردىن مېنى
ئىزدەرسەنمۇ كۆكلەردىن مېنى
ئامانگۇل ئابدۇكىرىم (زىبا)
ئۆتتى تالاي يۇلتۇزلۇق ئاخشام ،
خىيالىمدىن چىقمىدىڭ پەقەت .
سىمايىڭغا تۇتقۇن بولدۇممۇ ؟
كۈلەلمىدىم ئېچىلىپ بىر رەت .
سۆيگۈم ئۈتەر پىنھاندا مەڭگۈ ،
ئاشكارلىماي ئۇنى تائەبەت .
بەزى كىرىپ قالساڭ چۈشۈمگە ،
يۈركۈمدە ئىسيان ،مۇسىبەت .
تۈنگۈنلا غۇنچە گۈل ئىدىم ،
بولدۇم بۈگۈن پۇرەكلىگەن گۈل .
بەلكىم ھايات ئۇزۇن يا قىسقا ،
ئوتلار ئۈچۈپ قېپ قالمىسۇن كۈل .
ھىجرانلاردا قويغان ئەي يىگىت ،
سەن يۈرىيسەن زادى قەيەردە ؟
ئىزدەرسەنمۇ كۆكلەردىن مېنى ،
يۇلتۇز كەبئى ئۆچسەم سەھەردە.
(مەنبەسى: جۇڭگو ئۇيغۇرچە رادىيو تورى، تەھرىر: ئابدۇخالىق ئەمەت)
تېخى باھا يوق