دورا
تىلىۋلدى سىدىق
خۇش پۇراق ئۇرۇلماس تاغلار دەشتى-چۆل،
بۇلبۇللار سايرىماس باغلار بىناۋا.
تۇيۇلار شۇ دەمدە ھەممە قىياسىز،
مۇسبەت ئىلكىدە ھەمدۇ ۋە سانا.
*******^^^^^^^*********
ئۆتمۈشنى ئىزلىسەم ئۆزگە ئېقىمدىن،
قاباھەت دەۋىرىدە نېمە كۆزلىگەن؟
قانغا لىق مىنەلگەن قىزىل مومىنى،
ئەپسۇنلۇق دورا دەپ مېيىت ئىزلىگەن.
شۇندا بۇ ھېكايە «جېنىم ئامانەت»
دېگەنگە رېتسىپنى يازغانتى قورقماي.
ھەر بارە مېڭەمدە چاقنايتى بىر ئوت،
دورىغا مىنەلگەن ئۆزلۈكىمدە «ۋاي»
ئىنسان بىز قەدەمدە تولا مۈدۈرۈپ،
ئەپتىمىز تەكتىنى ھارماي بويارمىز.
بۇ پەلەك گەردىشى نە كويغا سالماس،
گاھىدا ئۇچساق بىز گاھى ئۇيارمىز.
چۈشكۈرۈش دەردىدە ئاغرىسا قورساق،
قاقاقلاپ كۈلۈشدىن ئەسلا تويارمىز.
ھىجرانلىق تۈنلەردە ئۇيقۇ بۇزۇلسا،
خىسلەتلىك دورىنى باشقا قويارمىز.
قورقىمەن قاباھەت چاقىرسا مېنى،
يالاڭاچ گەۋدەمنى يا ئوقى بىلەن.
قۇم-بوران شاۋقۇنى خەندەكتە تۇرسا،
ئاقىۋەت قويارمۇ تېنىمنى تېمەن.
شۇ ئازاپ توختىماي گېلىمنى سىقسا،
دورىگەر ھاياتتا ياشاركەن «گۈلۈم»
شۇنچە خوپ ياراشقان ھۆسنى جامالغا،
ۋاي ئەجەپ شۇ ئەقىل سالماپتۇ كۆرۈم.
كۈلۈشنى بىلمىدىم كۈلگىن دېسىمۇ،
مەلھىمى ھاياتنىڭ ئاچچىق تۇرسا ئوق.
مەلئۇنغا يۈكلىمەي ئۆزۈم ھاپاشلاي،
يىگىنىم سۆڭەكسىز ھارام يېرى لوق.
قېتىمى قارارلىق مۇددىتى ھەم دەل،
دورىلىق بەدەلنىڭ پەيزىن سۈرۈپمەن.
قاچانمۇ كېچەرمەن ئېسىل دوراڭدىن،
«دورىگەر»نامىڭنى ئەمدى بىلىپمەن.
*******^^^^^^^^^^^**********
سۆزلىمەس تىللىرىم چىقماس كۆپ سادا،
قايمىقۇش ئىلكىدە كۈنلەر خىرامان.
يورغا ئات مىسالى باسسام ئۇزاق يول،
دېمڭلار بۇ ئەمدى سۈرمەكتە دەۋران.
2015 -يىلى 24-فېۋرال، باۋدېڭ
تېخى باھا يوق