كەچۈر گۈلۈم
تىلىۋالدى سىدىق
سۈبھىدە سايرىسا مۇڭلۇق كۈيلىرىڭ،
زەخمەكنى ئۇراتتىم ھاياجان ئىلە.
جانىمغا جان بەرگەن كىندىك ماكاندىن،
شۇ يىراق دىيارغا ماڭدىڭ غىپپىدە.
چېھرىڭدە تەبەسسۇم چاقنىغان ئىدى،
مەن سېنى سۆيمەن دېگەن چېغىمدا.
ئوت كەبى لاۋىلداپ تۇرار ئىدىم مەن،
ساق ئوتتۇز پورەك بار بولغاچ بېغىمدا.
تىلەك دەپ تىللىرىڭ كەتكەندە سايراپ،
مۇنەۋۋەر بولغىنىم دوستلاردىن پەرق.
ئاي دېدىم، ئىسمڭغا بېرىپ ئەركىنى،
ھېسلىرىم سەن بىلەن ئۇرغاچقا بەرق.
ئاشىقلىق دەستىدە مەجنۇن بولغان دەپ،
يېزىلغان ئەزەلدە سانسىز كۆپ داستان.
بىرشتى قان بەدەل سۆيگۈ قەترىدە،
ۋەدىسى قىلماق بوپ چۆللەرنى بوستان.
ئۆزلۈكنى ئىزلىسەم سۆيگۈ بېغىڭدىن،
ئوتلىرىم كۆيدۈردى بولدىڭ كۈل بولۇپ.
ھەقىقەت، نەچچە رەت ئېيتتىڭغۇ ماڭا،
سۆيگۈڭگە قەۋەتلا كەتتىم لىق تولۇپ.
سۆيگۈنىڭ يالقۇنى بولغاندا گۈلخان،
قەھرىتان تۇيۇلماس سوغۇق پەسلىدە.
ھەر مەھەل كېچەتتى ئەمما مۇنداق ئوي،
بىمەھەل تاپقانتىم بىلسەم ئەسلىدە.
قولۇمنى كۆتۈرسەم ئىلتىجا بىلەن،
سوغۇق تەر چۆمىدۇ تىنىم تەكتىدە.
قەھرىسى ئىگەمىنڭ نەگە ئاتار دەپ،
تىللىرىم گاچا بوپ كېتەر بەزىدە.
كەبىر دەپ بىلىمەن جانىجان گۈلۈم،
دەستۇرلار بېتىدە ئېنىق ھەم ھۆكۈم.
سۆيمەن دەپ سېنى قىلمىدىم جاكار،
ئەمما بۇ خىتاپلار قەلبىمدە پۈكۈم.
تامچىماس تىلىمدىن شەربەتى-شېكەر،
سۆيگۈمۇ بەزىدە مۇشۇنداق كۆرۈم.
سەبىرنى تىلىگەن تىلەك ئىلكىدە،
سەبىرسز بولساڭ سەن كەچۈر ئەي گۈلۈم.
2015-يىلى 20-فېۋرال چۈش (ئاتۇش)
تېخى باھا يوق