يېڭى ئوربېتا
مەھمۇدجان خوجا ئۈمىدۋار
قەيەر خىلۋەت؟ مەن شۇ جايدا بار،
گەپ قىلىمەن تاملارغا ھەتتا.
يەتتە ئىقلىم يېشىل چاغدىمۇ،
پاك يۈرىكىم جەزىرە، ئەمما.
ئۇچۇپ كەلسە بىرەر كىچىك قۇش،
تەلمۈرىمەن غېرىبتەك تەمكىن.
مېنى سەرسان ئەيلىگەن پەرى
ھېسلىرىمنى چۈشەنمەس لېكىن.
ئۇنى شۇنچە كۆرگۈم بولسىمۇ،
ھاي بېرىمەن ئۆزۈمگە ھەر كۈن.
مېنى ئەسكە ئالمايدۇ، شۇڭا
ھەسرەتلىرىم قىشتىمۇ كەلكۈن.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق