قۇم سانايمەن قۇمنىڭ كۆزىدە
مۇھەممەد كامال خۇشخۇي
قەلبىم ئالما يار كۆڭلى پىچاق،
سويۇلماقتا ئالمام قىرچىلىپ.
تېنىم كەتكەن قۇمدەك چېچەكلەپ،
پايخان بولماس بىراق يانچىلىپ.
قونۇپ تۇرۇپ توغراق شېخىغا،
قۇم سانايمەن قۇمنىڭ كۆزىدە.
يار ئىشقىمنى ئەيلەپ خامتالاش،
كۈلدۈرىدۇ سۆزنى سۆزىدە.
بۈركۈت ئەگىپ كەتمەيدۇ نېرى،
قارا قەلبى قارامنى كۆرۈپ.
ئېغىز ئالدى يارنىڭ سېغىنچى،
تېڭىپ كەتسۇن يارامنى كۆرۈپ.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق