تەنھالىقتا ئەسلى گۈزەللىك
زەپەر ئابدۇلھەي شەرقى
مەن ئۇنتۇلۇپ كېتەي خىلۋەتتە،
نەزەرلەرگە يۈرمەي چېلىقىپ.
چىمەنلەردە ياتسام خىرامان،
كۈلىدىكەن قەلبىم تېلىقىپ.
خىلۋەتلەردە كەتسەم ئۇنتۇلۇپ،
ساما سېلىپ ئوينايدىكەن دىل.
تەنھالىقتا ئەسلى گۈزەللىك،
قىيام بولۇپ يارىدىكەن تىل.
مەن ئۇنتۇلۇپ كېتەي بولدىلا،
قۇشلار بىلەن قېقىۋالاي پەر.
بۇلۇتلارنىڭ كىرىپ قوينىغا،
ئۇچۇپ باراي ئۇپۇققا قەدەر.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق