بوش ئورۇندۇق
ئادىل تۇنىياز
غېرىبلىقنىڭ تۆت پاچىقى بار
ئولتۇرغاندا بىر غېرىب ئادەم.
بوش ئورۇندۇقتا ئولتۇرۇپتۇ قار
نەگە كەتكەندۇ ئېرىپ ئادەم؟
باغچىدىن ئاستا كېتىپ قىشتەك
ئولتۇرار ئىشخانىغا كىرىپ ئادەم
ھاياتى يېرىم ئۆلۈۋېلىشتەك
مەنىسىزلىكتە ئېرىپ ئادەم.
ئورۇندۇق كېتىدۇ چىقىپ شەكلىدىن
تەن كېتەر، كەتمەيدۇ چىرىپ ئادەم.
ماڭغان ئەمەس پۇت ئۆزى ئەسلىدىن
توختار مەڭگۈلۈككە بېرىپ ئادەم...
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق