ئەينەك
تىلىۋالدى سىدىق
پورەك ئاچسا چېھرىمدىن جىلۋىلەر تېمىپ،
كۆز ئۈزەلمەي قارىدىم يۈزۈڭگە يېنىپ.
ئايان بولسا غەم-قايغۇ غۇبارى ساڭا،
ئېۋەن بىلەن غەشلىدىڭ كۈلكىدىن تېنىپ.
قىلساڭ ئەينەن كىشىنىڭ چېھرىنى ئىزھار،
نى گۈزەللەر سۆيۈنۈپ باقىدۇ تەكرار.
گۇناھ قويسا گەر ساڭا كۆرۈمسىزلەرمۇ،
گۇۋاھ بولدۇڭ ھۆكۈمدە كەچمىدىڭ زىنھار.
پارە-پارە بولساڭمۇ قىلمىدىڭ سازا،
پارچەڭمۇ ھەم چاقناتقاچ مەڭگۈگە جۇلا.
شەكلىڭ ئاددى مۈجەسسەم جىسمىڭغا چىنلىق،
ساداقىتىڭ ئەل ئۈچۈن مەڭگۈ راۋا.
2005-يىلى 12-ئاي (ئاقتۇ)
تېخى باھا يوق