ئۈرۈك پىشىقى
ئابلىز توختى مۇھەممەت
ھىجراندا پىشتى باغلاردا ئۈرۈك،
سىيرىلدى شاختىن قوندى سېۋەتكە.
يىغلىدى كاككۇك قاراپ ئولتۇرۇپ،
يوپۇرمىقىغا يېزىلغان خەتكە.
ئاشىق ھەققىدە سۆزلىگەن چۆچەك،
تىزىدۇ مېغىز، رىشتە يىپىغا.
رەسىدە بولۇپ ئون تۆت كۈنلۈك ئاي،
پىقىرايدۇ شوخ، چالغان دېپىغا.
باشاق تېرىپ ئۇسسىغان ئېڭىز،
نادامەتتە يۇتتى يېشىنى.
تىكلەپ قويدى قىرنىڭ بېشىغا،
نەقىش ئويۇپ چەككەن تېشىنى.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق