ئۇچرىشالماي چەكتىم كۆپ ئازاب
ئابابەكرى تۇيغۇن
ئەجەب سۈزۈك قىشلاقتا ئايدىڭ،
قىلغان ئۇ ھەم مېنى مەھلىيا.
تۇيغۇ بەرگەن ئەركەكلىكىمگە،
مەيدەك سۈزۈك تۆككەن نۇر-زىيا.
خىيال سۈرسەم ئايدىڭ ئاخشىمى،
(سەزگۈلىرىم چىقىرىپ قانات).
قېپ قالغاندەك تۇيۇلار ئەجەب،
بۇ دۇنيادا ماڭىلا ھايات.
سۆيگەن بولغاچ مەۋھۇم بىر قىزچاق،
ئۇچرىشالماي چەكتىم كۆپ ئازاب.
تەس بولسىمۇ ئۆتكۈزمەك كۈنلەر،
كۆرۈپ باقاي قېنى بىر ياشاپ...
(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)
تېخى باھا يوق