گۈل بولۇپ ئېچىلىدۇ بۈگۈن كۆڭلۈڭ
ئابلىمىت ئابدۇقادىر
يۈرىكىم يۈرىكىڭگە يېقىنلاشتى،
ۋۇجۇدۇم ئوت ئالماقتا ھاياجاندىن.
خىجىللىق بۈگۈن بىزدىن يىراقلاشتى،
بىر تاتلىق سۆيۈپ قويدۇم سېنى ئاندىن.
جاھاننى بىر قاپلىغان قاراڭغۇلۇق،
باراقسان ئورمانلارغا قېچىپ كەتتى.
تارغاقلار پارە-پارە، ئەينەك پۇچۇق،
ھايات ئۆز تەقدىرىنى بىلىپ يەتتى.
بارمىقىم ئويناپ يۈرەر چاچلىرىڭنى،
باش قويۇپ ياتقىنىڭدا كۆكرىكىگە.
تىرنىقىم ئاستىدىن ئال يەرلىكىڭنى،
سەن ئۆلسەڭ ئايلىنىسەن قىزىلگۈلگە.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق