مەندە شۇنداق يۈرەك بار ئىدى
ھاجىرەم قاسىم
مەندە شۇنداق يۈرەك بار ئىدى،
ساڭا چوغدەك يالقۇنجاپ تۇرغان.
پەرۋانىدەك ئۆزىنى ئۇرغان،
مەندە شۇنداق يۈرەك بار ئىدى.
مەندە شۇنداق يۈرەك بار ئىدى،
ساڭا مەڭگۈ ۋاپادار بولغان.
ئىشەنچ بىلەن ساداقەت تولغان
مەندە شۇنداق يۈرەك بار ئىدى.
مەندە شۇنداق يۈرەك بار ئىدى،
سۆيۈپ-سۆيۈپ قانمايدىغان.
مەڭگۈ-مەڭگۈ تانمايدىغان،
مەندە شۇنداق يۈرەك بار ئىدى.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق