سەنمۇ ئۆگەن مەندەك سۆيۈشنى
ئابابەكرى تۇيغۇن
زېرىكىشلىك كۈنلەر ئۆتتى كۆپ،
پەلەسلىكتە قۇشلار ئۈركۈتۈپ.
قانچە ئاخشام قانچە كېچىلەر،
ئۆتۈپ كەتتى مەن سېنى كۈتۈپ.
مىنىۋېلىپ يايتاق ئېشەككە،
سازلىرىم بار ئىسقىرتىپ چالغان.
بەك كۈيلەيتتىم سېنى ئامرىقىم،
شۇ ناخشىلار قىشلاقتا قالغان.
كالامپايمەن، تۇرۇقۇم قوپال،
سېنى دائىم يۈرەكتىن سۆيگەن.
بەس ئەمدى مەن تۇرۇپ بېرەي جىم،
سەنمۇ مەندەك سۆيۈشنى ئۆگەن.
(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)
تېخى باھا يوق