بەخت
بۇخەلچەم ئوبۇل
ئاغرىپ قالساڭ بولار پەرۋانە،
ھەسرىتىڭدە يۈرىكى پارە،
كۆز يېشىڭدا بولار مىڭ دانە،
ئەركەكلەرگە سىڭىل بولماق بەخت.
ئاكام بار دەپ مەغرۇر ماڭىسەن،
قورقۇنچتىن تامام تانىسەن،
سۆيگۈ، مېھىر، كۈچكە قانىسەن،
ئەركەكلەرگە سىڭىل بولماق بەخت.
قىڭغىر ماڭماس ئاكىسى بارلار،
ئاكىسىغا ئىنسابى يارلار،
توسالمايدۇ يولۇڭنى تارلار،
ئەركەكلەرگە سىڭىل بولماق بەخت.
(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)
تېخى باھا يوق