بۈگۈن
مېھرىنۇر ئەبەيدۇللا دىلقىزى
خىياللار كۆكىدە پەر قاقتىڭ بۈگۈن،
دىللارغا ئەبەدلىك ئوت ياقتىڭ بۈگۈن.
ئۇپۇقلار پايانىدا چاڭقىدى ئارمان،
شەپەقتەك نۇر چېچىپ كۆز چاقتىڭ بۈگۈن.
تولۇن ئاي كۈلگەن دەم، يېشىلدى تۈگۈن،
نىگاھتىن-نىگاھقا ئوت چاچتىڭ بۈگۈن.
يۈرەكتىن-يۈرەككە ئاقتى ماگمىلار،
روھلاردىن-روھلارغا يول ئاچتىڭ بۈگۈن.
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق