ئوخشىمامدۇ سۆيگۈ شىۋىسى
ئابلا راخمان تۆتتاش
يول بويىدا تەنھا يولۇچى،
بەلكىم ئاينىڭ سادىق سىردىشى.
يۈزلىرىنى سىيلايدۇ شامال،
يۇلتۇزلارمۇ ئۇنىڭ دىلكىشى.
پىچىرلىشىپ كۆپكۆك يوپۇرماق،
شاماللارغا يۆگىشەر نازلىق.
تەنھا قالغان ئاشىق مېھمانغا،
بۇ كېچىلەر قىلماقتا تارلىق.
قەدەملىرى كىمگە تەئەللۇق؟
ناتونۇشتۇر ئاياغ تىۋىشى.
قاي قەلبكە ئىنتىزار سايە؟
ئوخشىمامدۇ سۆيگۈ شىۋىسى؟
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق