ھېكمەتلەر (4)

* ئادەم ئۆز كەمچىلىكى بىلەنلا پالاكەتكە يولۇقۇپ قالماستىن، بەلكى ئۆز ئارتۇقچىلىقى بىلەنمۇ پالاكەتكە يولۇقىدۇ .
* بىراۋ سېنى بەك چوڭقۇر چۈشىنىپ كەتسە، سەن ئۇنىڭ قورچىقىغا ئايلىنىپ قالىسەن .
* ئېتىبارسىز قالدۇرۇش بىر خىل تىنىچ ئۆچ ئېلىشنىڭ ئەڭ ئاددىي، ئەمما بەك ياخشى ئۇسۇلىدۇر .
* ۋىسالغا يەتمىگەن مۇھەببەت نەپرەتكە ئايلىنىدۇ .
* تىكەن كۆپىنچە ھاللاردا خۇش پۇراق گۈللەر ئارىسىغا يۇشۇرۇنغان بولىدۇ .
* گۈلنى ئۈزۈشتىكى مەقسەت ئوخشىمىسا، پۇرىقىمۇ ئوخشىمايدۇ .
* ئاقىل مەجنۇننىڭ يېنىدا ئولتۇرسا، لەيلىنىڭ گېپىدىن باشقا گەپ قىلماس .
* سۆزنى چاغلاپ قىلمىغان كىشى ئاچچىق جاۋاب ئالىدۇ .
* خۇش چىراينىڭ ئاغزىدىن پۇرىغان پىياز ، خۇنۈك چىراينىڭ تۇتقان گۈلىدىن خۇشبۇي .
* گۈزەل چىراي، يارىشىم كىيىم، خۇش پۇراقلار ئاياللارنىڭ زىننىتى . ئەرنىڭ زىننىتى ئۇنىڭ ئەرلىكىدۇر .
* باھار پەسلىدە چېچەكلەپ مېۋە بەرگەن دەرەخ، قىش زىمىستاندا ياپراقسىز قالار .
* ئىككى دۈشمەن ئارىسىدا گەپ قىلغىنىڭدا، ئەتە ئۇلار دوست بۇلۇپ قالسا خىجىلچىلىقتا قالمىغۇدەك گەپ قىل .
* دۈشمەن نەسىھىتىنى قۇبۇل قىلىش خاتا، لېكىن ئاڭلاپ قويۇش راۋا، ئۇنىڭ ئەكسىچە ئىش قىلساڭ ، بۇمۇ توغرا .
* قانداق كىشىلەرنى بىلىملىك دەيمىز ؟ كۆپ بىلمىسىمۇ، تەپەككۇر قىلىدىغانلارنى .
* بەزىدە "نادان" بۇلىۋېلىشنى بىلىدىغان كىشىلەر ھەقىقىي ئاقىللاردۇر .
* ئۆز دەۋرىدە بايراقدار يازغۇچىدىن تۆتنى ساناپ بېرەلمىگەن مىللەت ، ھالاكەتنى ئەڭ ئاۋۋال كۈتۈۋالىدىغان مىللەتتۇر .
* تەنھالىق مۇھەببەتنىڭ جەزىبىسىدۇر .
* مەنىسىز سۆھبەتتىن تەنھا سۈرگەن خىيال ياخشى .
* ئازابلىنىشنى بىلمىگەن قەلىب مۇھەببەتنىڭ نېمىلىكىنى بىلمەيدۇ .
* تىغ يارىسى ساقىيار ، دىل يارىسى ساقايماس .

(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)