ياشلىق

ياشلىقــ بىر ئەلئېھرامغا ئوخشايدۇ، يەنى ئالغا ئىلگىرلەش دىمەكتۇر . پەقەت قەتئىي ئىرادە بىلەن ئالغا ئىلگىرلىگەندىلا ، ئاندىن ياشلىق غايە زور ئېنىرگىيە چىقىرالايدۇ .
ياشلىق ــ بىر-بىرىگە باغلانغان بىر جۈپ يۈرەك ، ياشلىق دىگەن دوستلۇق دىمەكتۇر . ياشلىق مەزگىلىدىكى دوستلۇق شەخسىيەتسىز، بىغۇبار بۇلۇپ، ھىچقانداق مەنپەئەت تۈسىنى ئالمىغان . ئۇ بىر چىنە چايغا ئوخشاش بۇلۇپ ، نەچچە يىللاردىن كىينىمۇ كىشىنى شۇنچە سېغىندۇرىدۇ .
ياشلىق ــ تېخى تولمىغان ئايغا ئوخشاش كەمتۈك بولىدۇ . ياشلىق ھامان مۇكەممەل بولمايدۇ ، دەل ئاشۇنداق مۇكەممەل بولمىغانلىقتىن ،ئۇنىڭدا ئوخشاشمىغان بىر تەسىرات ، بىر خىل گۈزەل ئۈمۈد ئارتۇق بولىدۇ . ياشلىق-
بىر چىلتارغا ئوخشايدۇ . ئۇنىڭدىن خوشاللىق كۈيى ياڭراپ تۇرىدۇ ، ياشلىقتا خوشاللىقنىڭ بولماسلىقىغا سەۋەپ يوق .
ياشلىق ــ بىر كىتاپ ئىشكاپى ، ياشلىق ئەقىل-پاراسەت دىمەكتۇر . كىتاپسىز ياشلىق ئېچىلمايدىغان گۈلدۇر.
ياشلىق ــ بىر بايراق ، ياشلىق ـ غايە ، ياشلىقنىڭ نىشانى بوران-چاپقۇن ئىچىدە ئىلگىرلەپ كىتىۋاتقان بايراقنىڭ ئۈزى .
ياشلىق ــ چىڭ تۈگۈلگەن مۇشىت . ياشلىق كۈچ-قۇدىرەت دىمەكتۇر ياشلىقنىڭ كۈچ-قۇدىرىتى = جۇشقۇنلۇق +جاسارەت +ئەقىل-پاراسەتتۇر.
توغرا........مۇشۇ ۋاقتىمىزدا ئۆزىمنىڭ ياشلىقىنى قەدىرلەپ ، ئۆزىمىزگە يۈز كېلەلىگۈدەك ئىشلارنى قىلىشمىز كېرەك.......
گۈزەل ياشلىقتا -گۈزەل ئەسلىملەر قالسۇن....

(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)