مەيدانغا كىرىش

لېيىن خارد (گېرمانىيە)

بىر ئەپەندى كىرىپ كەلدى:
— مەن شۇ، — دېدى ئۇ.
— قايتا بىر قېتىم سىناپ بېقىڭ، — دەپ توۋلىدۇق بىز. ئۇ قايتىدىن كىرىپ كەلدى:
— بۇياق مەن بولىمەن، — دېدى ئۇ.
— بۇرۇنقىغا قارىغاندا ياخشى بولدى، — دەپ توۋلىدۇق بىز. ئۇ يەنە بىر قېتىم كىرىپ كەلدى.
— بۇ مەن بىلەن مۇناسىۋەتلىك ئىش، — دېدى ئۇ.
— بۇ باشلىنىش ياخشى بولمىدى، — دەپ توۋلىدۇق بىز. ئۇ يەنە بىر قېتىم كىرىپ كەلدى.
— خېنلو! — دەپ ۋارقىرىدى ئۇ قوللىرىنى پۇلاڭلىتىپ.
— بۇنداق قىلمايسىىز، — دېدۇق بىز. ئۇ يەنە بىر قېتىم سىناپ باقماقچى بولدى:
— مەن يەنە كەلدىم، — دەپ ۋارقىرىدى ئۇ.
— بۇ يەنە قاملاشمىدى، — دەپ ۋارقىرىدۇق بىز يەنە. ئۇ يەنە بىر قېتىم كىرىپ كەلدى:
— سىلەر كۈتۈۋاتقان بىر ئادەم كەلدى، — دېدى ئۇ.
— يەنە بىر قېتىم سىناپ بېقىڭ، — دەپ ۋارقىرىدۇق بىز. ئەپسۇس، بىز خېلى ئۇزاق ساقلىغان بولساقمۇ قايتىپ كىرمىدى. چۈنكى ئۇ سىرتقا شۇ چىقىپ كەتكەنچە، كېتىپ قالغانىدى. بىز سىرتقا چىقىپ، تۆت ئەتراپقا شۇنچە قارىدۇق، لېكىن ئۇنىڭ سايىسىمۇ كۆرۈنمەيتتى.

(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)