كىچىك خاتالىقلارغىمۇ سەل قارىماڭ

بەزىلەر خىزمەتكە كېچىكىپ كېلىش، ئائىلىدە بىرەر نەرسە بۇزۇلۇپ قالسا، ۋاقتىدا ئوڭشىتىش قاتارلىقلارنى كىچىك ئىش دەپ قارايدۇ، ئەمەلىيەتتە بۇنداق سەل قارالغان كىچىك ئىشلار كۈنلەرنىڭ ئۆتۈشى بىلەن چوڭ خەتەرلىك ئامىللارنى پەيدا قىلىشى مۇمكىن. ئاددى قىلىپ ئېيتساق، ئۆيدە توڭلاتقۇ، توك مۇنچا، تېلېۋىزور قاتارلىقلار چېتىلىدىغان ۋېكلىيۇچاتىل ياخشى تېگىشمەيدىغان بولۇپ قالسا، ئۇنى ۋاقتىدا ئوڭشىمىسا، ئېغىر توك ھادىسلىرىنى ياكى كۈتۈلمىگەن ھادىسلەرنى كەلتۈرۈپ چىقىرىشى مۇمكىن.
بىر سودىگەر سودىسىنى تۈگىتىپ، ئېتىنى مىنىپ ئۆيگە قايتىپتۇ.ئۆيگە ئاز قالغاندا چاكىرى ئاتنىڭ تاقىسىنىڭ بىر مىخىنىڭ چۈشۈپ قالغانلىقىنى كۆرۈپ ئۇنىڭغا ئېيتىپتۇ، لېكىن سودىگەر : كارىڭ بولمىسۇن، بەرىبىر ئۆيگە ئالتە سائەتلىك يول قالدى دەپتۇ. يولنىڭ يېرىمىغا كەلگەندە چاكار يەنە سودىگەردىن : ئاتنىڭ ئوڭ پۇتىدىكى تاقىسى چۈشۈپ قاپتۇ تاقىلامدۇق ؟ دەپ سورسا، سودىگەر : بولدى ، مەن ھازىر ئۆيگە ئالدىراۋاتىمەن، ئۆيگە يېتىپ بارىدىغانغىمۇ ئۈچ سائەتلىك يول قالدىغۇ ؟ -دەپتۇ. ئۇلار ئازراق ماڭغاندىن كېيىن، ئات ئاقساشقا باشلاپتۇ، ئۇزاق ئۆتمەيلا پۇتى قاناپ، يىقىلىپ چۈشۈپتۇ. سودىگەرمۇ ئامالسىز چاكىرى بىلەن يۈك - تاقلىرىنى كۆتۈرۈپ پىيادە ئون نەچچە سائەت يول يۈرۈپ ئۆيىگە كېلىۋاپتۇ.
كىچىك خاتالىق ياكى سەۋەنلىك ۋاقتىدا تۈزىتىلمىسە . ئاستا - ئاستا ئورنىغا كەلتۈرگىلى بولمايدىغان چوڭ خاتالىق كېلىپ چىقىدۇ،شۇڭا بىز كىچىك خاتالىقلارغا سەل قارىماسلىقىمىز كېرەك.

(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)