ساڭا ھەرگىز دېيەلمەيمەن خوش
ئابابەكرى تۇيغۇن
ھەي-ھەي ساقلاپ تۇرغىن سەن مېنى،
چېكەڭگە گۈل تاقاي مەن چوقۇم.
تەڭ يولدىلا ئاچساڭ سەن قۇچاق،
ۋۇجۇدۇمنى ئاتايمەن چوقۇم.
ئاشىقىڭمەن ساراڭ قوشاقۋاز،
سېنى قېتىپ تۈزگەن كۈي-غەزەل.
تاقىتىم يوق چىق ئۆيۈڭدىن، چىق!
سۆيگۈمىزگە تۆلەپ تەڭ بەدەل.
سەن بىلەمسەن كەيپىمنى ھازىر،
پىۋا ئىچىپ مەست بولدۇم غەرق.
چۈشىنەمسەن شائىر دېگەننى،
چىقىرار ئۇ ھەر قىسما قىلىق.
كۈي-كۈيلەيمەن بىر ساڭا ئاتاپ،
ئۇسسۇزلۇقتا ھەيدىگەنچە قوش.
سېنى تاشلاپ كەتكۈم يوق پەقەت،
يات يۇرتلارغا دېگىنىمچە «خوش»!
(مەنبەسى: جۇڭگو ئۇيغۇرچە رادىيو تورى، تەھرىر: پولات ئاماننۇرى)
تېخى باھا يوق