ئاجرىشىش ئالدىدىكى ھىسابات

بىر كۈنى كەچقۇرۇن، ئاجرىشىش ئالدىدا تۇرغان بىر جۈپ ئەر-ئايال سۆھبەتلەشتى.
ئايال يىغىدىن قىزىرىپ ئىششىپ كەتكەن كۆزلىرىنى ئەرگە تىكىپ بايا يىزىپ تەييارلاپ قويغان ئېلىپ كەتمەكچى بولغان نەرسىلىرىنىڭ تىزىملىكى يېزىلغان قەغەزنى ئەرگە سۇندى :
ئۈستەل چىرىغى – مەن ئالغان؛
كىتاپ جازىسى – مەن ئالغان؛
رەسىم رامكىسى – مەن ئالغان؛
سائەت – مەن ئالغان؛
ئورۇندۇق – مەن ئالغان؛
يۇقارقى نەرسىلەرنىڭ ھەممىسىنى ئەكىتىمەن .
ئەرنىڭ ئالغىنى ........
ئەر قەغەزدىكىنى كۆردى ئىختىيارسىز كۆزلىرىدە ياش لىغىرلىدى . ئۇ قولىغا قەلەم ئىلىپ، قەغەزگە بىر نەرسىلەرنى يىزىپ ئايالىغا سۇندى :
يوتقان كۆرپە – ھەقسىز ؛
كىيىم ئىشكابى – ھەقسىز ؛
چايدان – ھەقسىز ؛
تېلېفۇن – ھەقسىز ؛
سىزگە سوۋغا قىلغان كىيىملەر – ھەقسىز ؛
سىزگە سوۋغا قىلغان گۈللەر – ھەقسىز ؛
سىزگە يازغان 200 پارچە خەت – ھەقسىز ؛
سانسىز قىتىم ئالغىلى بىرىش، ئاپىرىپ قويۇش، كۆيۈنۈش، سۆيۈش–ھەقسىز؛
سىزگە ھەمرا بولۇش، ھالىڭىزدىن خەۋەر ئېلىش، كۈتۈش – ھەقسىز؛
يۇقارقىلارنىڭ ھەممىسى ھەقسىز .كۆتۈرۈپ كەتسىڭىز بولىدۇ . سىزگە خوشاللىقتا، خاپىلىقتا بىرگە بولغىنىممۇ – ھەقسىز؛
ھەممىسىنى قوشۇپ كەلسەك، سىزگە بولغان چىن مۇھەببىتىممۇ - ھەقسىز ؛
ئايالنىڭ ئەمدىلا توختىغان ياشلىرى قايتىدىن تاشتى . ئۇ بۇرنىنى تارتىپ ،بىشىنى كۆتۈرۈپ ئەرگە قارىدى :
- شۇڭا يازغانلىرىڭىزنىڭ ھەممىسىنى ئەكىتىمەن، سىزنىمۇ ...سىزنىمۇ قوشۇپ ئەكىتىمەن .
ئەر گەپ قىلماستىن يۈگۈرۈپ بىرىپ ئايالىنى بارىغا باستى، خوشاللىقتىن قىن – قىنىغا پاتماي :
- مېنى ئەكىتىڭ، پۈتۈن ھاياتىم سىزگە مەنسۈپ بولسۇن –دىدى .
شۇنداق، مۇھەببەت ھەقىقەتەن ئىنتايىن ئۇلۇغ، مۇھەببەتنى ھەرقانداق نەرسە بىلەن ھېساپلىغىلى بولمايدۇ.

(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)