بېغىشلاش
بۇخەلچەم ئوبۇل
قىسمەتكە باي ئالەم قوينىدا،
يىغلاپ قالار بەزىدە ئىنسان.
غەمكىنلىكنى شادلىققا ئۇلاپ،
ياشاش ئۈچۈن تىرمىشار ھەر جان.
يىغلىساڭ گەر باغرىمغا ياش تۆك،
يۈرىكىمگە يامغۇرۇڭ ياغسۇن.
مېھرىم بىلەن سۆيۈپ قۇرۇتاي،
بەختىم سېنىڭ مېھرىڭگە قانسۇن.
كۈلسەڭ جانىم كۆزۈڭدە مەن بار،
لېۋىڭدىكى پايانسىز مېھرىم.
سېنىڭ ئۈچۈن بارلىقىم پىدا،
تۇراي مەڭگۈ قولۇڭدا، جېنىم.
(مەنبەسى: جۇڭگو ئۇيغۇرچە رادىيو تورى، تەھرىر: شېرىنگۈل توختى)
تېخى باھا يوق